Роналдунинг келажаги сўроқ остида қолмоқда

Криштиану Роналдунинг келажаги номаълумлигича қолмоқда. Португалиялик ҳужумчи фақат "Ан-Наср" жамоаси таркибини мамлакат чемпионлиги учун курашиш даражасигача кучайтириш кафолатини олган тақдирдагина ушбу клубда қолишга тайёрлиги ҳақида маълумотлар пайдо бўлди.

"Ан-Наср" якунига етган мавсумни учинчи ўринда якунлаб, Саудия Арабистони чемпиони "Ал-Иттиҳод"дан 13 очко ортда қолди. Шу билан бирга, "TEAMtalk" нашрининг хабар беришича, 40 ёшли Роналду бошқа вариантларни ҳам кўриб чиқмоқда. Булар орасида Саудия Арабистонининг бошқа клубига ўтиш ёки бошқа мамлакат жамоасига, жумладан, клублар ўртасидаги жаҳон чемпионатида иштирок этмайдиган жамоага ўтиш эҳтимоли ҳам бор.

Манбанинг таъкидлашича, Роналдунинг кутилмаганда фаолиятини якунлаш эҳтимоли ҳам истисно қилинмайди. Футболчининг ўзи 2026 йилги жаҳон чемпионатида Португалия терма жамоаси сафида иштирок этишни афзал кўради.