Санжар Кувайтдан қуруқ қайтмади


Ўзбекистонлик теннисчи Санжар Файзиев Кувайтда ўтказилган "Фьючерс" туркумидаги халқаро турнир бош совринини қўлга киритди. 

Мусобақада учинчи рақамда сараланган ҳамюртимиз  финалга бўлган учрашувларда ҳиндистонлик Арян Говеасни    7-5, 6-0, нидерландиялик Пол Монтебанни 6-0, 6-3, франциялик Ронан Жанкурни 6-4, 6-2, испаниялик Давид Перес Санцни 6-3, 6-4 ҳисобида енгиб, финалга чиқди. 

Бош соврин учун ўтказилган беллашувда Санжар россиялик Евгений Карловский билан куч синашди. Учрашувда рақибидан ҳар томонлама устунлигини намойиш этган ҳамюртимиз 6:2, 7:6 ҳисобида ғолиб чиқиб, бош совринни қўлга киритди. 

Бу Санжар Файзиевнинг жорий мавсумдаги иккинчи соврини бўлди. Аввал ҳамюртимиз Қозоғистондаги мусобақада ҳам барча рақибларини мағлуб этган эди. 


SPORTS.uz

Матнда хатолик топсангиз, ўша хатони белгилаб, бизга жўнатинг (Ctrl + Enter)