Сен “Сити”га келганингдан афсусланмайсанми?

“Манчестер Сити” асосий дарвозабонига айланган Жанлуижи Доннарумма Европа Чемпионлар лигасининг амалдаги ғолиби “Пари Сен-Жермен”дан “шаҳарликлар” сафига ўтганидан афсусланмаслигини билдирди.

- Мен бу ерга келишни истаганман, чунки ҳамма “Манчестер Сити” ҳақида яхши фикр билдирган. Ҳақиқат шуки, бу ерда ажойиб жамоа ва ҳақиқий оила муҳитини топдим. Мен жуда-жуда бахтиёрман. Бу ерда ҳақиқий оилавий муҳит ҳукм суради ва мен чиндан ҳам ўзимни жуда яхши ҳис қиламан.

“Сити” томонидан катта қизиқиш бўлганини ҳис қилдим, бу мени ўзига тортди. Пеп Гвардиола каби юқори даражадаги мураббийнинг мени жамоасида кўришни қаттиқ истагани –  фахрланиш учун сабаб!

Мен “Манчестер Сити” каби катта клуб ва шу оиланинг бир қисми бўлганимдан жуда мамнунман, - деди Доннарумма.