Сергеев Суперлигадаги юбилей 100-голини урди

"Пахтакор" Суперлиганинг қолдирилган 1-туридан ўрин олган "Машъал"га қарши ўйинда йирик 5:0 ҳисобида ғалаба қозонди. Учрашувда Игор Сергеев дубль қилган бўлса, Отабек Жўрақўзиев ва Фламарион ўз ҳисобига биттадан гол ёздириб қўйишди. Шунингдек, Дилшод Раҳматуллаев ўз дарвозасини ишғол қилиб қўйди. "Шерлар" ушбу мавсумдаги илк 3 очкосини қўлга киритди. 

Иккита голни урган Сергеев "Transfermarket" маълумотларига кўра, Суперлигадаги юбилей 100-голини урди. Ҳужумчи ушбу натижага эришган 3-футболчи бўлиб турибди. Игор Темурхўжа Абдухолиқов (102) ва Драган Черан (140)дан кейин 3-поғонада бормоқда. 

Сергеев спорт формасини тиклаш орқали яна терма жамоага қайтиши мумкин. У сўнгги марта Осиё кубогида иштирок этган. Аниқроғи, гуруҳ босқичи, 3-туридан ўрин олган Австралияга қарши ўйинда жароҳат олиб, узоқ муддатга сафдан чиққанди. 

Сергеев Таиланддаги фаолиятидан сўнг "Пахтакор"га қайтганидан хабарингиз бор. У клуб билан шу йилнинг сўнггига қадар амал қиладиган шартнома имзолаган.