Serxio Ramos: G‘alabalardan charchamayman

Madridning “Real” klubi sardori Serxio Ramos UEFA Superkubogida “Manchester Yunayted” (2:1) jamoasi ustidan qozonilgan g‘alabadan so‘ng o‘z fikrlarini bildirib o‘tdi.

“Real” o‘tgan mavsum deyarli barcha o‘yinlarda g‘alaba qozondi. Sovrin yutish bu yangi mavsumni boshlashning eng yaxshi usuli.

Garchi menda havas qilarli darajada sovrinlar kollektsiyasi bor bo‘lsada, men hech qachon g‘alaba qozonishdan charchamayman”, - deydi ispaniyalik futbolchi.

Eslatib o‘tamiz, “Real” kechagi g‘alabadan so‘ng ketma-ket ikkinchi marta UEFA Superkubogini qo‘lga kiritdi.