Shomurodov nomini tarixga muhrladi

  • 6 may, 2024, 23:31
  • Zohir Toshxo’jayev
  • 2
  • Futbol
TIGGO 2 PRO

A Seriyada qolish uchun kurashayotgan “Kalyari” 35-turda o‘z muxlislari ko‘z o‘ngida “Lechche” futbolchilarini qabul qildi.

Qizg‘in kurashlar ostida o‘tgan uchrashuvda mezbonlar g‘alabani ushlab qola olmadi. O‘yin 1:1 hisobida durang bilan tugadi.

Keyingi bahslarda ketma-ket boshlag‘ich tarkibda o‘ynagan Eldor Shomurodov bu gal zaxirada qoldirildi. Legionerimiz o‘yinga 68-daqiqada qo‘shilib, Zito Luvumboning o‘rnini egalladi. Eldor oldingi chiziqda yolg‘izlanib qoldi va uchrashuv natijasiga ta’sir ko‘rsata olmadi.

Shunday bo‘lsa-da, “Kalyari” – “Lechche” bellashuvi hamyurtimiz uchun tarixiy ahamiyat kasb etdi. Shomurodov A Seriyada 100-o‘yinini o‘tkazgan birinchi o‘zbek futbolchisi sifatida tarixga nomini yozdirdi.

Shuningdek, bu ko‘rsatkichga asoslanib, Shomurodov Evropaning kuchli beshlik ligalarida yuzlik dovonni zabt etgan ilk futbolchimiz, deyishimiz ham mumkin.

Aslida Italiya futboli tarixidagi birinchi o‘zbek futbolchisi Ilyos Zeytullaev hisoblanadi. “Yuventus” tarbiyalanuvchisi bo‘lgan sobiq legionerimiz A Seriyada  safida atigi ikki marotaba maydonga tushgan. Zeytullaev asosiy quyi ligalarda faoliyat yuritgan edi.

Bundan tashqari, Eldor Shomurodov kuchli beshlik ligalarida gol urishga muvaffaq bo‘lgan birinchi o‘zbekistonlik futbolchi sifatida ham qadrlanadi.

Shu o‘rinda, Eldorning Italiyadagi faoliyatiga nazar tashlaymiz. Bu gungi kundagi eng kuchli hujumchimiz A Seriyadagi faoliyatini 2020 yilning oktyabr oyida “Jenoa”dan boshlagan.  Eldor ilk mavsumda A Seriyada 31 ta o‘yin o‘tkazib, o‘z hisobiga sakkizta gol hamda bitta assist yozdirib o‘tgan.

Kelasi mavsumni grand klub – “Roma” safida boshlagan legionerimiz “bo‘rilar” safida bir yarim yil davomida milliy chempionatda jami 34 ta bahsda ishtirok etgan va raqiblar darvozasini uch marotaba ishg‘ol qilib, to‘rtta golli pas uzatgan.

Eldor Italiyadagi uchinchi jamoasi – “Spetsiya” tarkibida A Seriyada 15 ta o‘yinda bitta dan gol va assist qayd etgan.

Joriy mavsumni “Kalyari”da davom ettirayotgan 28 yoshli forvard “Lechche”ga qarshi o‘tkazilgan bahsni qo‘shib hisoblaganda, hozircha 20 ta bellashuvda uchtadan gol va assist muallifi bo‘ldi.

“Kalyari” joriy mavsumda yana uchta uchrashuvda qatnashadi. Hali yuqori diviziondagi o‘rnini kafolatlamagan sardiniyaliklarni “Milan”, “Sassuolo” va “Fiorentina”ga qarshi bahs kutib turibdi.

Shomurodov navbatdagi uchrashuvda antiqa rekord o‘rnatadi

Fikrlar

Fikr qoldirish uchun avtorizatsiyadan o'ting!
&
Realmuxlisi
05/05/2024 20:01
Adminlar iltmos xa deb tarixni yozaverib siyqasini chiqarib tashladinglar kirgim kelmay qolgan shu yozishlaringni korib doim eldor xaqida maqola chiqarsanglar abizatilni tarixini yozishlaring shart emasku
Pardayev Shavkat
05/05/2024 23:23
Ҳамманинг жонига теккан. Ҳар мақолада, "Ростов"дан бошлайди, Кальяригача босиб ўтган йўлни, у кунги мақоладан, бу кунгисига кўчириб ўткизиб қўяверишади. Ҳаммага, нуқта-вергулигача ёд бўлиб кетди, шекилли. "Қалам ўлсун, Кўзни кўр қилғон ... ... ".