Шомуродовга ярашмаган терма жамоа!
Soccer.ru сайти Россия премьер-лигасининг 27-турида ўз даражасида ўйнай олмаган футболчилардан таркиб топган терма жамоа тузиб чиқди.
Ушбу жамоа ҳужум чизиғига “Ростов” тўпурари Элдор Шомуродов қўйилди. Сайт мутахассисларининг шарҳида ҳамюртимизга қуйидагича баҳо берилган.
- Аслида Шомуродов бир оёқда ўйнаса ҳам учрашувларда ўзини алмаштираётган ёшлар – Прошляков ва Долговдан кўпроқ фойда келтиради. Унинг ўрнига майдонга тушаётган ёш ҳужумчилар премьер-лига савиясига умуман тўғри келмайди. Лекин ҳозирги Элдорнинг ўзи ҳам пандемиядан олдинги Шомуродов даражасидан анча узоқда. У чемпионатнинг биринчи ярмида муҳим голлари билан “Ростов”ни юқори ўринларга олиб чиққан эди. Ҳозир Шомуродовнинг формасига баҳо бериш учун қандай югураётганига қараш кифоя – унда аввалги енгиллик йўқ ва гол сезиш қобилияти ҳам пасайган, - деб ёзмоқда soccer.ru.
Хуллас 27-турда омади чопмаган футболчилар жамоаси қуйидагича кўриниш олди:
Дарвозабон: Егор Шамов («Арсенал»);
Ҳимоячилар: Григорий Морозов («Динамо»), Максим Беляев («Арсенал»), Алексей Грицаенко («Тамбов»), Кристиан Рамирес («Краснодар»);
Ярим ҳимоячилар: Даниил Куликов («Локомотив»), Наиль Умяров («Спартак»), Даниил Уткин («Краснодар»), Данил Липовой («Оренбург»);
Ҳужумчилар: Элдор Шомуродов («Ростов»), Эдер («Локомотив»);
Мураббий: Мурад Мусаев («Краснодар»).
Фикрлар