Shomurodovga yarashmagan terma jamoa!
Soccer.ru sayti Rossiya premer-ligasining 27-turida o‘z darajasida o‘ynay olmagan futbolchilardan tarkib topgan terma jamoa tuzib chiqdi.
Ushbu jamoa hujum chizig‘iga “Rostov” to‘purari Eldor Shomurodov qo‘yildi. Sayt mutaxassislarining sharhida hamyurtimizga quyidagicha baho berilgan.
- Aslida Shomurodov bir oyoqda o‘ynasa ham uchrashuvlarda o‘zini almashtirayotgan yoshlar – Proshlyakov va Dolgovdan ko‘proq foyda keltiradi. Uning o‘rniga maydonga tushayotgan yosh hujumchilar premer-liga saviyasiga umuman to‘g‘ri kelmaydi. Lekin hozirgi Eldorning o‘zi ham pandemiyadan oldingi Shomurodov darajasidan ancha uzoqda. U chempionatning birinchi yarmida muhim gollari bilan “Rostov”ni yuqori o‘rinlarga olib chiqqan edi. Hozir Shomurodovning formasiga baho berish uchun qanday yugurayotganiga qarash kifoya – unda avvalgi engillik yo‘q va gol sezish qobiliyati ham pasaygan, - deb yozmoqda soccer.ru.
Xullas 27-turda omadi chopmagan futbolchilar jamoasi quyidagicha ko‘rinish oldi:
Darvozabon: Egor Shamov («Arsenal»);
Himoyachilar: Grigoriy Morozov («Dinamo»), Maksim Belyaev («Arsenal»), Aleksey Gritsaenko («Tambov»), Kristian Ramires («Krasnodar»);
Yarim himoyachilar: Daniil Kulikov («Lokomotiv»), Nail Umyarov («Spartak»), Daniil Utkin («Krasnodar»), Danil Lipovoy («Orenburg»);
Hujumchilar: Eldor Shomurodov («Rostov»), Eder («Lokomotiv»);
Murabbiy: Murad Musaev («Krasnodar»).
Fikrlar