Шу мураббий бошқарар экан терма жамоада ўйнамайман!

“Аякс” ярим ҳимоячиси Софьян Амрабат Муҳаммад Уаби Марокаш миллий терма жамоаси бош мураббийи бўлиб турган вақтда терма жамоа сафида ўйнамаслигини маълум қилди.

- Марокаш шарафини ҳимоя қилиш фаолиятимдаги энг буюк шараф бўлди. 12 йил аввал терма жамоага биринчи марта чақирув олганимдан бери мамлакатим учун бор кучимни бердим ва миллий терма жамоа либосини фахр билан кийдим. Марокашга бўлган муҳаббатим ва бу жамоа мен учун англатадиган барча нарса ҳеч қачон ўзгармайди.

Бу жуда қийин қарор бўлди, аммо ҳозирги бош мураббий билан терма жамоани ҳимоя қилишда давом этишга ўзимни қодир, деб ҳис қилмаяпман. Шунинг учун у ўз лавозимида қолар экан, миллий терма жамоага чақирувлар учун ўзимни мавжуд эмас, деб эълон қиламан.

Терма жамоа ва бу қарорга алоқадор барча инсонларга ҳурмат юзасидан қарорим сабабларини ошкор қилмасликни афзал кўраман. Аниқлик киритмоқчиман: мен миллий терма жамоадаги фаолиятимни якунламаяпман ва келажакда яна Марокаш шарафини ҳимоя қилиш эшигини ёпмаяпман, - деб ёзди Амрабат ижтимоий тармоқдаги саҳифасида.

Уаби 2026 йил март ойидан буён Марокаш терма жамоаси бош мураббийи ҳисобланади. Унинг раҳбарлигида жамоа 2026 йилги жаҳон чемпионатида чорак финалга қадар етиб борди ва бу босқичда Францияга 0:2 ҳисобида мағлуб бўлди.

Амрабат Марокаш миллий терма жамоаси сафида 78 та учрашув ўтказган. У терма жамоа билан бирга Африка миллатлар кубогида ғолиб чиққан ва 2022 йилги жаҳон чемпионатида тўртинчи ўринни эгаллаган.