Шу ёзнинг энг қиммат ўнта ёзги трансфери

«Манчестер Сити»нинг янги футболчиси Эллиот Андерсон ҳозирча ёзги трансфер ойнасидаги энг қиммат харид сифатида қайд этилди. Оммавий ахборот воситалари маълумотларига кўра, ушбу келишув қиймати 135 миллион еврони ташкил этган.

Рўйхатда иккинчи ўринни «Тоттенхэм»га 99 миллион евро эвазига ўтган португалиялик ярим ҳимоячи Матеуш Фернандеш эгаллаган.

Йиғиндиси бўйича ёзги трансферлар топ-10 талигида еттита футболчи Англия Премьер-лигаси клубларига, иккита ўйинчи Испания Ла Лигаси жамоаларига, яна бири эса Италия А Серияси клубига ўтган.

Transfermarkt маълумотларига кўра, 2026 йил ёзги трансфер ойнасида 2 июл ҳолатига кўра энг қиммат 10 трансфер:

1. Эллиот Андерсон, «Ноттингем Форест» — «Манчестер Сити» — 135 млн евро.
2. Матеуш Фернандеш, «Вест Хэм» — «Тоттенхэм» — 99 млн евро.
3. Энтони Гордон, «Ньюкасл» — «Барселона» — 80 млн евро.
4. Гонсалу Рамуш, «ПСЖ» — «Милан» — 74 млн евро.
5. Жереми Жаке, «Ренн» — «Ливерпуль» — 63,6 млн евро.
6. Ян Паул ван Хекке, «Брайтон» — «Тоттенхэм» — 60 млн евро.
7. Марко Палестра, «Аталанта» — «Челси» — 57 млн евро.
8. Марк Кукурелья, «Челси» — «Реал» — 55 млн евро.
9. Пьеро Инкапье, «Байер» — «Арсенал» — 52 млн евро.
10. Жеовани Кенда, «Спортинг» — «Челси» — 50,7 млн евро.