Симеоне «Атлетико»да Девиддан нимани кутaйотганини айтди
Диего Симеоне янги ҳужумчи Жонатан Дэвиддан «Атлетико»га тез мослашиб, «Лилль»даги даражасини кўрсатишини кутаяпти.
«Атлетико» бош мураббийи Диего Симеоне жамоага яқинда қўшилган ҳужумчи Жонатан Дэвид ҳақида ўз фикрларини билдирди.
"Бизга у «Лилль» таркибида кўрсатган ўйини керак. У билан суҳбатлашдик, унда жамоамизга ёрдам бера оладиган сифатлар бор. Энг муҳими, у иложи борича тезроқ мослашиб кетиши лозим. Ҳозир бу жараён давом этяпти, чунки у жамоага жуда яқинда қўшилди. Кўряпмизки, у руҳланиб турибди, жуда катта иштиёқ билан ишлаяпти. У майдонда ҳам ўзи истаган, ҳам биз ундан кутаётган ўйинни кўрсата олади, деб умид қиламиз" – дея Симеоненинг сўзларини келтиради AS нашри.
Эслатиб ўтамиз, Дэвид ёзги трансфер ойнаси якунланиши арафасида «Ювентус»дан «Атлетико»га ўтди. У Мадрид клуби шарафини ижара асосида ҳимоя қилади, шу билан бирга, испан жамоаси ҳужумчининг трансфер ҳуқуқини тўлиқ сотиб олиш имкониятига ҳам эга.
Изоҳлар (0)