Simeone «Atletiko»da Deviddan nimani kutayotganini aytdi

«Atletiko» bosh murabbiyi Diego Simeone jamoaga yaqinda qo‘shilgan hujumchi Jonatan Devid haqida o‘z fikrlarini bildirdi.

"Bizga u «Lill» tarkibida ko‘rsatgan o‘yini kerak. U bilan suhbatlashdik, unda jamoamizga yordam bera oladigan sifatlar bor. Eng muhimi, u iloji boricha tezroq moslashib ketishi lozim. Hozir bu jarayon davom etyapti, chunki u jamoaga juda yaqinda qo‘shildi. Ko‘ryapmizki, u ruhlanib turibdi, juda katta ishtiyoq bilan ishlayapti. U maydonda ham o‘zi istagan, ham biz undan kutayotgan o‘yinni ko‘rsata oladi, deb umid qilamiz" – deya Simeonening so‘zlarini keltiradi AS nashri.

Eslatib o‘tamiz, Devid yozgi transfer oynasi yakunlanishi arafasida «Yuventus»dan «Atletiko»ga o‘tdi. U Madrid klubi sharafini ijara asosida himoya qiladi, shu bilan birga, ispan jamoasi hujumchining transfer huquqini to‘liq sotib olish imkoniyatiga ham ega.