“Сити” “Реал”нинг супертрансферини “синдиролмади”

“Ливерпуль” билан Англия Премьер-лигаси ғолиблигига эришган Трент Александер-Арнольд “Реал” жамоасига ўтиши ҳал бўлди.

Энди маълум бўлишича, “Манчестер Сити” раҳбарияти англиялик ҳимоячини ўз жамоасига қўшиб олишга ҳаракат қилган.

Defensa Central нашрининг ёзишича, 26 ёшли футболчи “Реал” билан аввалдан келишиб қўйганига қарамай, “шаҳарликлар” футболчи билан боғланиб, агар у “Манчестер Сити”га кўчиб ўтса, мадридликлар таклиф қилган маблағдан кўпроқ маош беришни ваъда қилган.

Трент Александер-Арнольд Мадрид суперклубида ўйнаш иштиёқи баланд бўлгани сабабидан манчестерликларнинг мўмай даромадли таклифини қабул қилмади.