"Sofia Open". Бугун финал учрашуви ўтказилади

Болгариянинг София шаҳри "Челленжер" туркумига кирувчи турнирга мезбонлик қилмоқда. Бугун икки теннисчидан бири ўз фаолиятидаги илк титулни ютиб олиш имкониятига эга бўлади.

Финал остонасида италиялик Янник Синнер франциялик Адриан Маннаринога қарши кортга чиқди. Ҳал қилувчи баҳсга йўл олган итальян учрашув тақдирини икки сетда ҳал қилди: 6:3, 7:5.

Иккинчи ярим финалда канадалик Вашек Поспишил яна бир француз Ришар Гаске қаршилигини 3 сетда синдиришга муваффақ бўлди. Сетларнинг дастлабкисини бой берган Вашек кейингиларида ирода намойиш этиб, финал чипталарини ўзиники қилди. Якуний ҳисоб: 6:7(6:8), 6:2, 6:0.