“Sportchilarimizdan bir shingil”

Bugundan boshlab, yangi ruknni e’tiboringizga xavola etib boramiz. Sportchilarimiz orasida o‘ziga xos yumorga boylari ham ko‘plab topiladi. O‘z o‘rnida juda jiddiylari ham yo‘q emas. Bunga ushbu ruknni tayyorlayotganimda yana bir bor amin bo‘ldim. Xullas, “Sportchilarimizdan bir shingil” degan rukn dunyoga keldi. O‘ylaymanki, mazkur loyixa o‘z an’anasiga ega bo‘ladi. O‘z o‘rnida sizlarga ham manzur keladi deb o‘ylaymiz. Ilk sonida asosan professional bokschilarimiz faol bo‘lishdi.

Demak, qarshi oling, sportchilarimizdan o‘ziga xos latifalar!

Xusniddin Po‘latov – bokschi WBA asia kamari soxibi

- Bir kuni bir bokschiga jang tashkil etilibdi. Jang sanasi ham ma’lum bo‘libdi.

- Lekin har xafta raqib almashaverer ekan.  Jang kuni ham etib kelibdi.

- Aksiga olib raqib yo‘q emish...Tashkilotchilar tezlikda ishga kirishib, o‘sha erda yurgan bir oshpazni raqib bo‘lishga ko‘ndirishibdi.

  - Unga 2- raundda nokautga uchrashing kerak deb uqtirishibdi.  Jang boshlanibdi.

- Lekin oshpaz ikkinchi raund tugul,  beshinchi raundda ham yiqilmas emish.

-Tashkilotchilar xoy baraka topgur, nega yiqilmaysan desa,

- Oshpaz: Ursa yaxshilab ursin. Bo‘lmasa o‘zim uni nokaut qilaman dermush. ???? ????

Ravshanbek Umurzaqov – bokschi WBA Asia kamari soxibi

- Bo‘g‘irsoq xammomdan cho‘milib chiqib,

- Voy, boshimni yuvmabmanu!

- Har doim esimdan chiqadi,- deya yana xammomga kirib ketibdi. ????

Xurshidbek Normatov –  bokschi

— Boks - eng zo‘r sport turlaridan biri!

— O‘zingiz boksersiz chog‘i?

— Yo‘q, men tish doktoriman. ???? ????

Mansur Tugizboev – MMA murabbiyi

— Oshna, kimsasiz sahroda qanday qilib sherni tutish mumkin?

— Buning yo‘li oson. Mushukni tutib olasan-da, sherman deb bo‘yniga olmaguncha kaltaklayverasan. ???? ????

Abdulaziz Najmiddinov – bokschi

- Uchta g‘irt mast bir taksini to‘xtatib chiqishibdi. Taksichi hazillashib mashinani o‘t oldirib joyidan jildirmay besh daqiqacha turib, keyin mashinani uchirib:

— "Etib keldik tushinglar" — desa. Birinchi mast rahmat aytib tushib ketibdi. Ikkinchi mast yo‘lkirani to‘lab tushibdi. Uchinchisi taksichini boshiga bir shapatdan beribdi. Taksichi ichida bunisi sezib qoldi deb o‘ylab tursa...

- Uchinchi mast

— "Sen odamlarning hayotiga javobgarsan! Ikkinchi bunaqa tez haydamagin" — dermish. ???? ????

Ahmad EShMATOV tayyorladi.