"Sporting" APL klubini yanchib tashladi

Yangi mavsum — 2026/2027 yillar oldidan Portugaliyaning «Sporting» va Angliyaning «Nottingem Forest» jamoalari oʻrtasida oʻrtoqlik uchrashuvi boʻlib oʻtdi. 

Bellashuv portugaliyaliklar foydasiga yakunlandi — 4:1. 

Uchrashuv boshida hisobni mehmonlar forvardi Igor Jezus ochdi. Oradan koʻp oʻtmay, 14-daqiqada «Sporting» himoyachisi Gonsalu Inasiu hisobni tenglashtirdi. 

Ikkinchi boʻlimda, 61-daqiqada yarimhimoyachi Issa Dumbiya lissabonliklarni oldinga olib chiqdi. Toʻrt daqiqa oʻtgach, hujumchi Rafael Nel portugaliyaliklar ustunligini oshirdi. 84-daqiqada esa Nel yana bir bor aniq zarba yoʻllab, hisobni yirik koʻrinishga keltirdi.