«Спортинг» «Челси» яримҳимоячисини ижарага олди

«Челси» матбуот хизмати ярим ҳимоячи Жесси Дерри Португалиянинг «Спортинг» клубига ижарага йўлланганини маълум қилди. Бу ҳақда лондонликлар расмий сайти орқали хабар берилган.

Ижара шартномаси 2026/27 йилги мавсум якунигача мўлжалланган. Шунингдек, Дерри яқинда «Челси» билан 2032 йил ёзигача амал қиладиган янги шартнома имзолаган эди.

Жесси Дерри жорий йил февраль ойида Англия кубоги доирасида «Ҳалл Сити»га қарши ўйинда «Челси» таркибида дебют қилган. У илк бор 4 май куни «Ноттингем»га қарши премьер-лига учрашувида асосий таркибда майдонга тушди.

 Аввалроқ футболчига «Бавария» ва «Ювентус» клублари ҳам қизиқиш билдиргани ҳақида хабарлар тарқалган эди.