Суперклуб "Барса" футболчисидан воз кечди

«Барселона»нинг чап қанот ҳимоячиси Алехандро Бальде «Милан»га таклиф этилгани маълум бўлди. Футболчининг агенти Жорже Мендеш мижозини бошқа жамоага жойлаштириш устида ишламоқда.

Инсайдер Фабрицио Романо хабарига кўра, Мендеш 22 ёшли ҳимоячини «Милан»га таклиф қилган, аммо миланликлар бу вариантни кўриб чиқишни истамаган. 

Милан клуби ёзги трансфер ойнасида яна бир йирик харид амалга оширишни режалаштирмаяпти.

Transfermarkt портали маълумотларига кўра, Алехандро Бальденинг бозор қиймати 50 миллион еврони ташкил этади. Шунинг ўзиёқ нега италияликлар янги катта сарф-харажатдан тийилаётганини англатади.

Бу ёзда «Милан» ўз тарихидаги энг йирик икки трансферни амалга оширди. Янги футболчиларга жами 160 миллион евродан ортиқ маблағ сарфланган.