Суперклуб энг омадсиз трансферидан қутилди

«Ювентус» бразилиялик ярим ҳимоячи Артур Мело билан расман хайрлашди.

Турин клуби томонлар ўзаро келишувига биноан футболчи билан тузилган шартнома бекор қилинганини эълон қилди. 

Бу шуни англатадики, Артур энди эркин агент сифатида янги жамоа излаш имкониятига эга.

Эслатиб ўтамиз, «Ювентус» Артурни 2020 йилда «Барселона»дан 80 миллион евро эвазига сотиб олган эди. Аммо ярим ҳимоячининг фаолияти Туринда кутилган даражада омадли кечмади.

Ўтган мавсумда Артур «Гремио» сафида ижара асосида тўп сурди. Ундан олдин, 2022 йилдан бошлаб, у «Ливерпуль», «Фиорентина» ва «Жирона» жамоалари таркибида ҳам майдонга тушган.