Суперлигада 60 та клуб иштирок этишга тайёр

Яқинда “Реал” президенти Флорентино Перес Суперлига лойиҳасини амалга ошиши ҳақида гапирган эди. 

Mundo Deportivo хабар беришича, ташкилотчилар Суперлига устида ишлашмоқда. Уларга кўплаб клублардан қўнғироқ бўлган. 60 га яқин клублар лойиҳада иштирок этишга рози бўлишган. Бироқ, айнан қайси жамоалар розилик билдиргани очиқланмаган. 

Манбанинг қўшимча қилишича, Суперлига билан 100 дан ортиқ Европа клублари алоқа қилишган. 

Аввалроқ, Флорентино Перес Европанинг кучли жамоалари бир-бири билан кўпроқ ўйнаши кераклигини айтган эди.