Супертрансфер барбод бўлди

Таниқли журналист Фабрицио Романо Қатардаги жаҳон чемпионатининг энг яхши ёш футболчиси сифатида эътироф этилган Энцо Фернандеснинг “Бенфика”дан “Челси”га трансфери барбод бўлганини маълум қилди.

Манбанинг таъкидлашича, ҳар икки клуб аргентиналик ярим ҳимоячи трансфери бўйича деярли барча масалани келишиб бўлган эди.

Маълум бўлишича, португалияликлар “аристократлар” истеъдодли ўйинчи учун камида 120 миллион евро тўлашини кутган. Бироқ, “Челси”нинг максимал таклифи 85 миллион евродан ўтмади.

Айнан мана шу сабабли трансфер барбод бўлди. “Челси” Фернандес ўрнига бор эътиборини “Брайтон” ярим ҳимоячиси Мойсес Кайседога қаратди.