Супертрансферга икки омил тўсқинлик қилмоқда

Мадриднинг «Атлетико» клуби ҳужумчиси Хулиан Альвареснинг «Барселона»га ўтишидаги асосий муаммо икки клуб ўртасидаги муносабатлар билан боғлиқ. Бу ҳақда Mundo Deportivo хабар берди.

Манбага кўра, «Барселона» президенти Жоан Лапорта «матрасчилар» раҳбари Энрике Сересо билан алоқада бўлса-да, Сересо кўпроқ вакил сифатида фаолият юритади.

Шу билан бирга, клубларнинг спорт директорлари Деку ва Матеу Алемани ўртасидаги ишчи муносабатлар бузилган. Лапортанинг ўзи ҳам Алемани билан яхши муносабатда эмас, чунки Алемани президентлик сайлови даврида Хавини қўллаб-қувватлаган.

Альварес учун янги музокараларни кечиктираётган иккинчи омил – «Барселона»да алмашинувга қўшиш мумкин бўлган футболчиларнинг йўқлиги. «Атлетико» қизиқаётган Ферран Торрес Каталония клубини тарк этишни истамаяпти. «Барселона» эса ярим ҳимоячи Марк Касадони сотишга тайёр, аммо унинг номзоди мадридликлар мураббийлар штаби томонидан маъқулланмаган.