Таиланддан хушхабар

Таиландда велоспортнинг шоссе йўналиши бўйича катталар, ёшлар ва пара велоспортчилар ўртасида ўтказилган Осиё чемпионати якунланди.

Унда Ўзбекистон терма жамоаси муваффақиятли иштирок этди. Қувонарлиси, велопойгачиларимиз мусобақада 3 та олтин ва 1 та бронза, жами 4 та медални қўлга киритиб, умумжамоа ҳисобида иккинчи ўриндан жой олди. 

Велошоссе бўйича ўтган Осиё чемпионатида Янина Кускова, Самира Исмоилова (U18) ва U18 ёш тоифасидаги аралаш жамоавий эстафета баҳсларида олтин медаль қўлга киритилган бўлса, Асал Ризаева ўз йўналишида бронза медалига эга чиқди.

Маълумот ўрнида: энди велоспортчиларимиз Куала-Лумпурда (Малайзия) бўлиб ўтадиган велотрек бўйича Осиё чемпионатида иштирок этади.