Тареми: ЖЧ-2026'да вазият жуда таранг

Тареми сўзларига кўра, у Жаҳон чемпионати-2026 атрофидаги вазиятни жуда таранг ҳис қилмоқда.

– Мен учта жаҳон чемпионатида иштирок этганман. Оддатда айтишадики, самолётдан тушиб, мезбон мамлакатга қадам қўйишинг биланёқ ўзига хос дўстона муҳитни ҳис қиласан, – дейди у.

– Афсуски, бу сафар мен бундай кайфиятни сезмаяпман. Бу жаҳон чемпионатида вазият жуда кескин, – дея Таремининг сўзларини келтиради ESPN.

Эслатиб ўтамиз, май ойида ФИФА Эрон терма жамоасига ўз машғулот базасини АҚШдан Мексикага кўчиришга рухсат берган эди. Бунга сабаб сифати Эрон делегацияси айрим аъзолари АҚШ визасини олишда қийинчиликларга дуч келгани ҳақида хабар берилган. Шунингдек, Эрон терма жамоаси ҳар бир ўйиндан сўнг дарҳол АҚШни тарк этиб, Мексикага қайтиши маълум қилинган.

Жаҳон чемпионати-2026 АҚШ, Канада ва Мексика ҳудудида ўтказилади. Мусобақа 11 июндан 19 июлгача давом этади. Эрон терма жамоаси гуруҳ босқичида Янги Зеландия, Бельгия ва Мисрга қарши майдонга тушади. Эрон иштирокидаги барча учрашувлар АҚШда бўлиб ўтади.