Тарихда илк бор "Реал"да италиялик қиз ўйнайди
Тарихий воқеа
Италия аёллар терма жамоаси ярим ҳимоячиси Арианна Карузо энди Мадриднинг «Реал» клуби шарафини ҳимоя қилади. У шу тариқа ушбу машҳур жамоа тарихида Апеннин ярим оролидан келган илк футболчига айланади.
Карузо бунгача Мюнхеннинг «Бавария» клубида тўп суриб келаётган эди. Ундан олдин эса аёллар ўртасидаги «Ювентус» жамоасида ўйнаб, 2018 йилдан 2022 йилгача кетма-кет беш марта Италия чемпиони бўлишга ҳисса қўшган.
«Реал» клуби матбуот хизматига кўра, мадридликлар ва «Бавария» Арианна Карузонинг трансфери бўйича тўлиқ келишувга эришган. Итальян футболчиси келаси тўрт мавсум давомида, яъни 2030 йил 30 июнига қадар «Реал» шарафини ҳимоя қилади.
«Италия терма жамоаси аъзоси Карузо катта тажриба ва жиддий ютуқларга эга. У бизга Германия клуби сафида икки мавсум ўйнаб, 2 бор мамлакат чемпиони, 2 марта миллий кубок ва 2 марта Германия Суперкубогини қўлга киритган ҳолда қўшилмоқда», – дейилади клуб баёнотида, деб ёзади derbyderbyderby.it нашри.
Шу тариқа Арианна Карузонинг «Реал» билан янги шартномаси 2030 йилгача мўлжаллангани расман тасдиқланди.
Изоҳлар (0)