"Теҳрон дербиси"да ҳисоб очилмади

Эрон чемпионати 20-туридан ўрин олган супер қарама-қаршилик бўлиб ўтди. Унда Теҳроннинг "Истиқлол" жамоаси шаҳарнинг яна бир жамоаси "Персополис" билан куч синашди. 

Кескин ва муросасиз кечган баҳсда бир қанча вазиятлар бўлишига қарамай, ҳисоб очилмади. 

Мезбонлар сафида ҳаракат қилаётган Жалоллиддин Машарипов асосий таркибда майдонга тушиб, 72 дақиқа ўйнган бўлса, меҳмонлар сафида ўйнаётган Остон Ўрунов тўлиқ ҳаракат қилди. 

Шу тариқа, "Истиқлол" очколари сонини 43 тага етказиб, етакчиликни сақлаб қолди, "Персопилис" эса 40 очко жамғарган ҳолда иккинчи поғонани банд қилиб турибди.