Теннисчиларимиз ярим финалда

Қозоғистонда Халқаро теннис федерацияси томонидан ўсмирлар ўртасида ўтказилаётган "G5" туркумига кирувчи "Aktobe Open" турнирининг жуфтлик баҳсларида мамлакатимиз шарафини теннисчиларимиз муносиб ҳимоя қилмоқда.

Жуфтлик баҳсларининг чорак финалида Саил Акбаров ва Абдураҳмон Саидмуҳамедов тандеми мезбон теннисчилари Арслонбек Аитқулов ва Артур Хайирутдиновни 7:6, 6:3 ҳисобида енгди ва навбатдаги босқичда россиялик Григорий Гордеев ва қозоғистонлик Данил Озерной билан куч синашадиган бўлди.

Шунингдек, ушбу босқичда Самандар Абдумаликов ва Азиз Дадабоев чорак финал босқичидан муваффақиятли ўтиб, ярим финалда қозоғистонлик Одил Каракаев ва Никита Сидоров билан ўзаро рақобатлашади.