Терма жамоа бош мураббийи ўзгарди
Янги бош мураббий бошқаради
Миср футбол ассоциацияси миллий жамоа бош мураббийи Хусам Ҳасан билан ҳамкорлик якунланганини маълум қилди. Жамоага энди Али Махер бошчилик қилади.
Ассоциация кенгашининг шанба куни бўлиб ўтган йиғилишида шу ҳақда расмий қарор қабул қилинди. Байонномада ташкилот Ҳасан ҳамда унинг мураббийлар штаби ва маъмурий гуруҳига кўрсатган меҳнати ва садоқати учун миннатдорлик билдириб, уларга кейинги фаолиятида омад тилади.
Хусам Ҳасан 2024 йил февралидан буён Миср терма жамоасини бошқариб келаётган эди. Унинг раҳбарлиги остида жамоа 2026 йилги жаҳон чемпионатига йўлланма олди ва тарихида илк бор гуруҳ босқичидан муваффақиятли ўтиб, 1/8 финалгача етиб борди. Шунингдек, Миср терма жамоаси 2025 йилги Африка кубогида тўртинчи ўринни эгаллади.
52 ёшли Али Махер ўйинчи сифатида «Ал-Аҳли» клуби ва Миср терма жамоаси шарафини ҳимоя қилган. Мураббийлик фаолияти давомида эса у икки марта Миср лигаси кубогини қўлга киритган.
Изоҳлар (0)