Терма жамоада катта йўқотиш!

2026 йилги жаҳон чемпионатида иштирок этишга тайёргарлик кўраётган Австрия миллий терма жамоаси мусобақа бошланишига бир неча кун қолган паллада катта йўқотишга учради.

Кристоф Баумгартнер ўнг сони мушакларидан олган жароҳати сабабли турнирда иштирок эта олмайдиган бўлди.

26 ёшли ярим ҳимоячи Тунисга қарши ўртоқлик учрашуви олдидан қизиб олиш машғулоти вақтида шикастланган.

Тиббий кўрик натижаларига кўра, у жаҳон чемпионати бошлангунга қадар тикланишга улгурмаслиги аниқланди.

Австрия терма жамоаси бош мураббийи Ральф Рангник шундай деди:

“Бу Кристоф учун ҳам, биз учун ҳам жуда оғир хабар. У жамоамизнинг муҳим футболчиси ва асосий фигураларидан бири”.

Унинг ўрнига ким чақирилиши масаласи кейинроқ ҳал қилинади.