Тимеа Бабош ва Кристина Младенович Хитойда ғолиб бўлди

Венгериялик Тимеа Бабош ва франциялик Кристина Младенович Шэньчжэн шаҳрида ўтказилган якуний турнирнинг жуфтлик баҳсларида бош совринни қўлга киритди.

Тимеа ва Кристина мусобақанинг ҳал қилувчи ўйинида чехиялик Барбора Стрикова ҳамда тайванлик Се Су-Вейни 6:1, 6:3 ҳисобида таслим қилди.

Шу тариқа Бабош ва Младенович фаолиятидаги 22-бош совринни қўлга киритиб, 315,000 АҚШ доллари ҳамда 1080 рейтинг очкосини ишлаб олди.