Том Аспиналл – чемпион эмас!

Оғир вазнда UFC жангчиси Валдо Кортес-Акоста дивизионнинг амалдаги чемпиони Том Аспиналлни танқид қилди.

"Чемпионнинг ўзини бундай тутиши ғашимга тегади. Кечирасиз, лекин менимча, Том шунчаки қўрқяпти. Чунки Аспиналлнинг тикланиб, қайтиб келиши учун етарли вақти бор эди., бироқ у бундай қилмади. Шу боис мен учун Том Аспиналл – чемпион эмас! У Ганга қарши чиқишни истамагани учун қочмоқда", - деди доминиканлик "Ноче UFC 4" турнири олдидан матбуотга берган интервьюсида.

Бир кун аввал UFC раҳбари Дана Уайт жароҳат олган Том Аспиналл ҳақида ҳеч қандай хабар йўқлигини тасдиқлаб,  Сирил Ган ва Алекс Перрейра вақтинчалик унвон учун зудлик билан реванш ўтказиши мумкинлигини айтди.