"Тоттенхэм"да катта йўқотиш

«Тоттенхэм» бош мураббийи Роберто де Дзерби жамоа ҳимоячилари Микки ван де Вен ва Педро Порро янги мавсумдаги илк «Брентфорд»га қарши учрашувни ўтказиб юборишини тасдиқлади.

«Микки эртага ростдан ҳам рўйхатда бўлмайди, худди шу нарса Педро Поррога ҳам тааллуқли», – дея де Дзербининг сўзларини келтиради Metro нашри.

Ван де Вен Австралиядаги мавсумолди йиғинда олган кичик жароҳатидан сўнг аллақачон жамоа билан умумий машғулотларга қайтган. Де Дзербига кўра, жароҳат жиддий эмас, аммо клуб ҳимоячи соғлиги билан хатарга боришни истамаяпти.

Порронинг нега майдонга тушмаслиги борасида аниқ маълумот берилмаган. Айрим манбаларга кўра, испаниялик футболчи жаҳон чемпионатидан кейин машғулотларга кечроқ қайтгани сабабли тикланиш учун қўшимча вақт олган бўлиши мумкин.

Қайд этилишича, ўнг қанот ҳимоячиси позициясида Порро ўрнини Арчи Грей тўлдириши кутилмоқда. «Интер»га Жед Спенс сотилганидан кейин Педро Порро жамоадаги ягона табиий ўнг қанот ҳимоячиси сифатида қолган эди.