"Тоттенхэм"да катта йўқотиш

Лондоннинг «Тоттенхэм» жамоаси ярим ҳимоячиси Жэймс Мэддисон яна майдондан четда қолади. Англия терма жамоаси аъзоси навбатдаги жароҳати туфайли яқин ҳафталарда жамоасига ёрдам бера олмайди.

The Athletic нашри хабар беришича, 29 ёшли футболчи янги мавсум Англия премьер-лигасининг биринчи турида «Брентфорд»га қарши ўйинда елкадан жароҳат олган. Ушбу баҳсда «шпорлар» 0:3 ҳисобида мағлубиятга учради. Дастлабки маълумотларга кўра, Мэддисон камида икки ҳафта майдонга туша олмайди.

Эслатиб ўтамиз, ярим ҳимоячи ўтган мавсумнинг деярли барчасини тўрли боғламлари узилиши билан боғлиқ оғир жароҳат сабаб ўтказиб юборган эди. Мэддисоннинг «Тоттенхэм» билан амалдаги шартномаси 2028 йил июнига қадар мўлжалланган.

Маълумот учун, АПЛнинг иккинчи турида Роберто де Дзерби бошқарувидаги «Тоттенҳэм» «Ньюкасл»га қарши майдонга тушади.