"Тоттенхэм"да менга тазйиқ ўтказишган

«Тоттенхэм» собиқ ҳимоячиси Жейсон Кунди 1990-йилларда клуб шарафини ҳимоя қилган даврида бошидан кечирган оғир тажрибаси ҳақида гапириб берди. Унинг сўзларига кўра, у клуб шифокорлари томонидан босимга учраган ва мажбуран жарроҳлик амалиётига рози бўлишга мажбур этилган.

Кундининг таъкидлашича, бу ҳолат унга нисбатан узоқ вақт давом этган тизимли тазйиқ – буллинг кўриниши бўлган.

- «Тоттенхэм»  тиббий штаби ишини енгил қилиб айтганда ҳам жуда шармандали деб баҳолайман. Улар ўзини жуда ёмон тутган. Мен йиллаб чидамай келган оғриқларимнинг бир қисми айнан уларнинг лаёқатсизлиги оқибати эди. Бу ҳақиқий фожиа, ҳақиқий уят эди, – дея Кундининг сўзларини derbyderbyderby.it нашри келтиради.

Эслатиб ўтамиз, Жейсон Кунди профессионал футболчи сифатидаги фаолиятини 2000 йилда якунлаган.