"Тоттенхэм" рекорд трансферни эълон қилди

Лондоннинг "Тоттенхэм" клуби 21 ёшли марказий ярим ҳимоячи Матеуш Фернандешнинг "Вест Хэм"дан трансфер қилинганини расман эълон қилди. 

Аввалроқ оммавий ахборот воситаларида хабар берилишича, лондонликлар ёш футболчи учун 85 миллион фунт тўлаши кутилмоқда. Бу сумма клуб тарихидаги энг қиммат трансфер сифатида қайд этилаётгани айтилмоқда.

- Карьерамда навбатдаги қадамни қўяётганимдан жуда хурсандман. "Тоттенхэм" – жуда катта клуб. Қароримни қабул қилишда бош мураббийнинг ўрни ҳал қилувчи бўлди, – дея таъкидлади Фернандеш клуб матбуот хизматига берган интервьюсида.

Ўтган мавсумда Матеуш Фернандеш АПЛ доирасида 36 ўйинда майдонга тушиб, 3 та гол урди, 4 та голли узатма берди ва 7 марта сариқ карточка олди.