Трамп: Кейнни ҳимоячи сифатида қўллаш – эҳтимол, хатодир

Нью-Йоркда бўлиб ўтган матбуот анжуманида АҚШ президенти Дональд Трамп ФИФА раҳбари Жанни Инфантино билан бирга жаҳон чемпионати ҳақида фикр билдирди.

Эслатиб ўтамиз, 19 июл куни Испания ва Аргентина терма жамоалари ўртасида мусобақанинг финал баҳси ўтказилади.

«Америкаликлар учун ўз мамлакати гўзаллигини бутун дунё билан бўлишиш катта шараф бўлди.

Бугун Америка тарихдаги энг кучли, энг бой ва энг нуфузли паллаларидан бирини бошдан кечирмоқда. Сизлар эса бу жараённинг муҳим қисми ҳисобланасиз», – деди Трамп.

Унинг таъкидлашича, жаҳон чемпионати оддий спорт мусобақаси доирасидан анча кенг бўлди.

«Менимча, бу шунчаки спорт тадбири эмас эди. Бу оддий мусобақадан анча катта, анча муҳим воқеа бўлди. Бу мутлақо ўзига хос, алоҳида аҳамиятга эга чемпионат сифатида тарихда қолади», – дея қўшимча қилди АҚШ президенти.

Трамп Англия терма жамоаси ҳақида ҳам тўхталиб ўтди: «Кейнни ҳимоячи сифатида қўллаш – эҳтимол, хатодир. Ҳужумга ўтиб, энг яхши футболчини орқа чизиққа қайтаришди. Лекин мен мураббийликдан нима тушунаман, ахир?»

Шунингдек, у Балогун ҳақида ҳам фикр билдирди: «Инфантино жуда тўғри қарор қабул қилди. Мен Жаннига қўнғироқ қилиб: “Шикоят билдирмоқчиман”, дедим. Агар Фоларин майдонга тушмаганида, АҚШ шундай дерди: “Энг кучли футболчилар билан ўйнаганимизда ғалаба қозонардик”».