ЦСКАга янги бош мураббий келди

Фабио Челестини Москванинг ЦСКА клубига бош мураббий бўлди.

Легионеримиз Аббосбек Файзуллаев тўп сураётган клуб 49 ёшли швейцариялик мутахассис билан "2+1" схемаси асосида шартнома имзолаганини эълон қилди. "Қизил-кўклар" мураббийлар штабига шунингдек мураббий ёрдамчилари Манел Экспосито, Хавер Ноя, Хосе Блеса ва Данте Кареччи ҳам қўшилади.

Челестини 2024/25-йилги мавсумда "Базел" билан Швейтсария чемпионати ва Кубогини қўлга киритган. Бунгача у бошқа Швейцария клубларини ҳам бошқарган.

Футболчи сифатида Фабио Швейцария терма жамоаси, "Лозан", "Хетафе", "Леванте" ва "Марсел" сафида ўйнаган.

2024/25-йилги мавсумда ЦСКАни Марко Николиc бошқарган. Сербиялик мутахассис Россия Кубогидаги ғалабадан сўнг жамоани тарк этган.