Туркия терма жамоасига янги бош мураббий топилди

Туркия терма жамоаси бош мураббийи Винченцо Монтелла яқин вақтларда ўз лавозимини тарк этиши кутилмоқда. Италиянинг нуфузли нашри La Gazzetta dello Sport хабарига кўра, унинг ўрнига келадиган мутахассис амалда аниқ бўлиб бўлган.

Манба маълумотича, терма жамоани эндиликда Арда Туран бошқариши режалаштирилган. 39 ёшли Туран турк футболи афсоналаридан бири сифатида эътироф этилади. У футболчи сифатида «Галатасарай», «Атлетико» ва «Барселона» таркибида майдонга тушган. Туркия терма жамоаси сафида 100 та ўйин ўтказиб, 17 та гол урган.

Ҳозирда Арда Туран Донецкнинг «Шахтёр» жамоаси бош мураббийи ҳисобланади. У ўтган мавсумда клубни чемпионликка олиб чиққан эди.

Туркия терма жамоасининг сўнгги натижалари эса кутилганидек бўлмади. Жамоа жаҳон чемпионатида гуруҳ босқичидаёқ, икки ўйиндан сўнг мусобақани тарк этди. Лига миллатлари мусобақасининг жорий мавсумида эса турклар тўрт ўйин кетма-кет мағлубиятга учради.