Тухель Лондонга қайтиши мумкин
"Бавария"ни тарк этиши кутилаётган Томас Тухель Лондонга қайтиши мумкин.
"Talk Sport" нашри хабар беришича, "Вест Хэм" Дэвид Мойеснинг ўрнига янги бош мураббий изламоқда. Вариантлар орасида Тухель ҳам бор. Аммо ҳали ҳеч қандай музокаралар бошлангани йўқ.
Мюнхен клуби германиялик мутахассисни истеъфога чиқаришга шошилмаяпти. Унинг мавсум сўнггига қадар ҳам жамоада қолиши мумкин, лекин натижалар яхшиланмаса, жараён тезлашади.
Тухелга Лондон бегона эмас. У 2021 йилда "Челси" билан Чемпионлар лигасини қўлга киритди. 2022 йилда эса янги раҳбарият уни ўз лавозимидан озод қилганди.
Фикрлар