Тухель шогирдларининг ўйинини қандай баҳолади?
Терма жамоа мағлубиятдан кейин зафар қучди
Англия терма жамоаси бош мураббийи Томас Тухель УЕФА Миллатлар лигасида Чехияга қарши ўйиндан (2:0) кейин ўз фикрлари билан ўртоқлашди.
Англия терма жамоаси сафарда ўтган беллашувда Энтони Гордон ва Ҳарри Кейн урган голлар ҳисобига ғалаба қозонди. Гордон 47-дақиқада ҳисобни очган бўлса, Кейн 69-дақиқада устунликни мустаҳкамлади. 25-дақиқада Чехия таркибида Павел Шульц майдондан четлатилиб, мезбонлар бир ўйинчи кам бўлиб қолишди.
«Ўйинга жуда профессионал ёндашдик, иккинчи бўлимда эса ўйин суръатини янада ошира олдик. Бу – муносиб ғалаба. Рақибнинг эрта олинган қизил карточкаси томошабопликка унчалик фойда бермади, лекин биз ўз услубимизда ўйнашда давом этдик ва ишни ғалаба билан якунладик – энг муҳими шу», – дея таъкидлади Тухель ITV телеканалига берган интервьюсида.
3 октябрь куни Англия терма жамоаси сафарда Хорватияга қарши майдонга тушади.
Изоҳлар (0)