У Александр Усикка тан берди!

Оғир вазн тоифасидаги боксчи Жо Жойс яқинда бўлиб ўтган Тайсон Фьюри ва Александр Усик ўртасидаги жанг ҳақида ўз фикрлари билан ўртоқлашди. Жойс Boxing Social билан суҳбатда баҳснинг шиддати ва унинг ҳал қилувчи дақиқаларини эслаб ўтди:

"Усикни табриклайман, яхши жанг бўлди. Менимча, Фьюри ғалабага  яқин эди, аммо 9 раунддаги воқеалик Фюрининг мағлубиятида ҳал қилувчи рол ўйнади" - деди Жо.

Усикнинг карьераси ҳақида гапирар экан, Жойс катта ҳайрат билдирди ва Усикнинг ҳаваскор ва профессионал сифатидаги тажрибасини тилга олди:

 "Усикка қойил қолмасликнинг иложи йўқ. У нималарга эришганига қаранг", – деди Жойс.

Шунингдек, Жойс(16-2, 15 KO) июль ойига мўлжалланган Дерек Чисора(34-13, 23 KO)   билан бўлажак жанг режалари ҳақида гапирди. У ҳазил аралаш "Ғалабани машҳур сальто билан нишонлайман", деб айтди.