Уч испан гўзали финалда беллашди

Испаниялик теннисчилар Мария-Хосе Мартинес-Санчес ва Сара Соррибес-Тормо Марокашнинг Рабат шаҳрида ўтаётган мусобақанинг жуфтлик баҳсларида ғолиб бўлди.

Мария ва Сара тендеми финал учрашувида яна бир испаниялик Георгина Гарсия-Перес ва грузиялик Оксана Калашниковани 7:5, 6:1 ҳисобида мағлуб қилди.

Шу тариқа "Grand Prix De SAR La Princesse Lalla Meryem" турнирининг бош совринини қўлга киритган Мартинес-Санчес ва Соррибес-Тормо 12,300 АҚШ доллари пул мукофоти ва 280 рейтинг очкосини қўлга киритди.