Уч суперфутболчидан бирини оламиз!

“Челси” одатдагидек фаол трансфер сиёсатини юритишни давом эттирадиган бўляпти. Айни пайтда “аристократлар” қуйи лигага тушиб кетган “Ипсвич” ҳужумчиси Лиам Делап трансферини якунлаш арафасида турибди.

Таниқли журналист Бен Жейкобснинг ёзишича, Лондон клуби бу билан ҳужум чизиғини кучайтириш ишларини тўхтатмайди.

Манбага кўра, “Челси” уч нафар суперфутболчини нишонга олган. Клуб мутасаддилари ёзги трансферлар даврида “Манчестер Юнайтед”дан кетишга қарор қилган Алехандро Гарначо, “Атлетик” етакчиси Нико Уильямс ва “Боруссия Дортмунд”да порлай бошлаган Жейми Байно-Гиттенсни жамоага кўчиб ўтишга кўндиришга уриниб кўради.

Трансферларга ихтисослашган Transfermarkt порталида Гарначо 45, Уильямс 70 ва Байно-Гиттенс 50 миллион еврога баҳоланган.