"UFC 249". Тўртта жанг ўз ниҳоясига етди

АҚШнинг Флорида штати Жексонвилл шаҳрида бўлиб ўтаётган "UFC 249" турнирининг дастлабки 4 та жанги бўлиб ўтди.

Мусобақани очиб берган жангда Райан Спэнн ва Сэм Алви қарама-қаршилиги бўлиб ўтди. Унга кўра, Спенн кичик устунликка эга бўлди ва ҳакамлар қарорига кўра ғалабани ўз томонига оғдира олди (29-28, 29-28, 28-29).

Брайс Митчелл ҳамда Чарльз Роса ўзаро тўқнаш келган жангда ҳакамлар бир овоздан Мичеллнинг ғалабасига қарор қабул қилишди (30-25, 30-25, 30-24).

Учинчи жангда Висенте Лукега Нико Прайс рақиблик қилди ва Луке учинчи раундда техник нокаут эвазига ғалабани қўлга киритди.

Навбатдаги жанг эса аёллар ўртасида кечди. Унга кўра, Карла Эспарса ва Мишель Уотерсон ўртасидаги  жангда Эспарса ғалаба қозонди (30-27, 27-30, 29-28).

Сайтимиз ижодкорлари "UFC 249" турнирининг матнли трансляцияни ёритиб боришмоқда.