UFC да янги "Конор Макгрегор" пайдо бўлмоқда

Бразилиялик UFC жангчиси Маурисио Руффи таниқли ММА устаси Арман Царукянни нокаут билан мағлуб этса, янги Конор Макгрегор сифатида тилга олиниши мумкин. Бу ҳақда бразилияликнинг бош мураббийи Жо Лопес "Submission Radio" га берган интервьюсида айтиб ўтди.

Лопеснинг таъкидлашича, Маурисио сўнгги йилларда партердаги камчиликларини тўлиқ бартараф этган ва эндиликда енгил вазнда йилнинг энг катта сенсациясини яратишга тайёр.

"Маурисио сўнгги йилларда курашчининг оёққа ҳужумларидан ҳимояланиш бўйича жуда катта қадам ташлади. Ҳозир уни ерда ушлаб туриш осон эмас. Руффининг услуби жуда ғайриоддий, унга қарши тайёргарлик кўриш қийин. Шунингдек, зарбалари ҳам анча кучли. Октагонда ҳар бир ҳаракатини ўйлаб бажаради. Албатта, у энг кучли курашчи бўлиши шарт эмас — унга жангни яна "стойка"га қайтариш имконияти кифоя. Кўрасиз, Арман Руффини партерда ушлаб тура олмайди.

Очиғини айтсам, Руффининг "стойка"да жанг қилиши Конор Макгрегорни эслатади", — деди мураббий.

Эслатиб ўтамиз, Руффи ва Царукян қарама-қаршилиги 20 сентябрь куни "UFC 331" турнирида ўтказилади.