Ularni nima bog‘lab turadi?

Shavkat Rahmonov, Movsar Evloev, Umar Nurmagomedov – ularni nima bog‘lab turishini bilasizmi? Har uchchalasi ham ayni paytda faoliyatini davom ettirayotgan, eng uzoq mag‘lubiyatsiz seriyaga ega jangchilardir.

Yarim o‘rta vazn reytingida 3 o‘rinni egallab turgan Shavkat Rahmonov hali mag‘lubiyatga uchramadi. U MMA da 18 ta jang o‘tkazib, barchasida muddatidan oldin g‘alaba qozondi.

Rossiyalik MMA jangchisi Movsar Evloev ham 18 ta jangning barchasida zafar quchgan. U yarim engil vazn toifasi reytingida 6 o‘rinni band etib turibdi.

Yana bir rossiyalik sportchi Umar Nurmagomedov esa yuqoridagi hamyurtining natijasini takrorlagan. U 18 ta jangning 9 tasida muddatdan avval, 9 tasida ochkolar hisobiga g‘alaba qilgan. Ayni paytda Umar o‘ta engil vazn reytingida 2 o‘rinni egallab turibdi.

Ko‘ramiz, bu sportchilarni kim to‘xtata olar ekan !