Умар Мармуш янги клуб билан келишувга эришди

Лондоннинг «Тоттенхэм Хотспур» клуби «Манчестер Сити» ҳужумчиси Умар Мармуш билан шахсий шартнома шартларини келишиб олди. 

Ҳозирча икки жамоа ўртасидаги музокаралар давом этмоқда, улар яқин вақт ичида якунига етиши кутилмоқда. Бу ҳақда журналист Флориан Плеттенберг ўзининг X ижтимоий тармоғида хабар берди.

Ўтган мавсумда Умар Мармуш «Манчестер Сити» сафида барча мусобақалар доирасида 36 та ўйинда майдонга тушиб, 8 та гол урди ва 3 та голли узатма амалга оширди. Футболчининг амалдаги шартномаси «шаҳарликлар» билан 2029 йил 30 июнигача мўлжалланган. 

Transfermarkt портали маълумотларига кўра, Мармушнинг трансфер қиймати 50 миллион еврони ташкил этади.