Уругвай бошига ҳам Ўзбекистоннинг куни тушди

"Жаҳон чемпионати — 2026"нинг илк ўйини олдидан Уругвай терма жамоаси АҚШга етиб келган заҳотиёқ қаттиқ хавфсизлик текширувидан ўтказилгани маълум бўлди. 

Футболчилар қаторга тизилди, барча сумка ва чемоданлар ерга қўйилди, шундан сўнг ҳуқуқни муҳофаза қилиш органлари ходимлари махсус ўргатилган ит билан бирга ҳар бир юкни синчиклаб кўздан кечирди.

Бу ҳолат Уругвай терма жамоаси АҚШга қўнганидан кейин рўй берган. Шу ерда жамоа жаҳон чемпионатидаги илк учрашувини ўтказди.

Терма жамоа сафарда яна бир қийинчиликка дуч келди: ҳаво ҳудуди билан боғлиқ муаммолар сабабли самолёт бир неча соатга кечикди. Уругвайликларнинг айтишича, АҚШ ҳаво ҳудудига киришга рухсат вақтида олинмаган, бунга эса ФИФА томонидан Мексикадан парвоз учун рухсат сўраш кечиктирилгани сабаб бўлган.

"Н" гуруҳи биринчи туридаги Саудия Арабистони — Уругвай учрашуви 15 июндан 16 июнга ўтар кечаси Майами (Флорида штати)даги "Хард Рок" стадионида бўлиб ўтди. Беллашув 1:1 ҳисобида дуранг билан якунланди.

Гуруҳ босқичида Уругвайни яна икки ўйин кутмоқда: 22 июнь куни Кабо-Вердега қарши (2-тур), 27 июнь куни эса Испания терма жамоасига қарши (3-тур) майдонга тушади.

"Жаҳон чемпионати — 2026" ўйинлари 11 июндан 19 июлгача уч давлат — АҚШ, Канада ва Мексика ҳудудида ўтказилмоқда.

Эслатиб ўтамиз, Ўзбекистон футболчилари АҚШ ҳудудига кирганида жиддий текширувларга дуч келган биринчи терма жамоа бўлган эди ва бу ижтимоий тармоқларда жуда кўп муҳокама қилинди.