Усик ММАда жанг қилиши мумкин

Украиналик машҳур боксчи Александр Усикнинг мураббийи Сергей Лапин шогирди тез орада ММАга ўтиши мумкинлигини инкор этмади.

“Саша шу авлоднинг энг яхши боксчиси эканлигини исботлади. Тайсонни нафақага жўнатгандан сўнг, у жанг санъатининг бошқа турларида иштирок этиш вариантларини кўриб чиқиши мумкин. У ММА ва BKFC қоидаларига кўра бемалол жанг қила олади. Тасаввур қилинг-а, Усик ва Жон Жонс сайёрадаги энг кучли йигит номи учун курашмоқда. Ёки қафасда Жошуа билан учинчи жанг. Балки ҳатто Жейк Пол билан ҳам жанг бўлиши мумкин”, - дея Лапиннинг сўзларини келтиради Mirror портали.

Эслатиб ўтамиз, Усик ўзининг сўнгги жангини жорий йилнинг 19 май куни Саудия Арабистонида Тайсон Фьюрига қарши ўтказди ва унда ҳакамларнинг қарорига (114-113, 113-114, 115-112) кўра ғалаба қозонди.