Усмон Дембеле Луис Энрике билан уришиб қолди

ПСЖ форварди Усмон Дембеле жамоа бош мураббийи Луис Энрике билан муносабатларида келиб чиққан зиддиятлар фонида «Лилль»га қарши навбатдаги ўйинда майдонга тушмайди.

25 август куни клуб матбуот хизмати Дембелега бир неча қўшимча дам олиш кунлари берилганини, у душанба куни машғулотларга қайтадиган бўлганини маълум қилди. Шу билан бирга, Франция оммавий ахборот воситалари вакилларининг таъкидлашича, бу қарорга фақат режали дам олиш эмас, балки футболчи ва мураббий ўртасидаги таранг муносабатлар ҳам таъсир кўрсатган бўлиши мумкин.

Лига 1 старт турида Дембеле «Ренн»га қарши учрашувни асосий таркибда бошлаган, бироқ танаффусдан сўнг алмаштирилган эди. Ушбу беллашув 2:2 ҳисобида дуранг билан якунланган.