Видал Роналдуни қўллаб-қувватлади

«Барселона» ва «Ювентус»нинг собиқ ярим ҳимоячиси Артуро Видаль Португалия терма жамоаси етакчиси Криштиану Роналду ва бош мураббий Жорже Жезуш ўртасида юзага келган можаро юзасидан ўз фикрини билдирди.

Видальнинг таъкидлашича, Роналду Португалия терма жамоасини дунёдаги энг кучли жамоалар қаторига олиб чиққан футболчи ҳисобланади. Чилилик футболчи  берган интервьюсида Криштиану мамлакат футболи савиясини мутлақо янги босқичга кўтарганини қайд этди.

«Мен уни тўлиқ қўллаб-қувватлайман. У билан содир бўлган вазият – бу уни мутлақо ҳурмат қилмасликдир», – дея қўшимча қилди Видаль.

Эслатиб ўтамиз, Криштиану Роналду Жорже Жезуш билан можародан сўнг Португалия терма жамоаси қароргоҳини тарк этган эди. Оммавий ахборот воситаларида Роналду миллий жамоа сафидаги фаолиятини якунлаши мумкинлиги ҳақида миш-мишлар тарқалди.