Винисиус мавсумни қаерда бошлаши ҳал бўлди

“Реал”нинг бразилиялик ҳужумчиси Винисиус Жуниорнинг келажаги анча пайтгача мавҳум бўлиб турди. Саудия Арабистони клублари бу юлдуз учун тиккан сумма ўйинчини ҳам ўйлантириб қўйган эди.

Винисиусга шайхлар таклиф қилган маош миқдори уни “Реал” билан шартномани янгилаш бўйича музокараларига ҳам таъсир қилиб, келишув чўзилиб кетди.

Marca нашри журналисти Хосе Феликс Диаснинг маълум қилишича, бу масала ўз ечимини топди. Манбага кўра, Винисиус “Қироллик клуби” билан янги шартномага имзо чекиб бўлди. Клуб бу ҳақда клублар ўртасидаги жаҳон чемпионатидан кейин расман эълон қилади.

24 ёшли қанот ҳужумчисининг аввалги шартномаси 2027 йилнинг 30 июнигача давом этиши белгиланган эди. Мадридликлар ўз етакчисини қўлдан чиқармаслик учун ҳамкорликни 2030 йилнинг ярмигача узайтирди.